Ntoh ngơi ta rơh lễ, groi Thủ tướng Hồ Quốc Dũng đă hun hao Viện năng lượng nguyên tử Việt Nam jêng ntŭk leo kan tơm khlăy tâm nău mĭn uănh khoa học, hun hao công nghệ, kơl an kĩ thuật n’hanh ntĭm nti mpeh ŭnh nar hạt nhân. Groi Thủ tướng lah na nê̆ Đảng, ngih dak uănh năl ŭnh nar hạt nhân geh nău kan khlăy ngăn tâm nău mât đăp mpăn rnă njrăng ŭnh nar n’hanh ƀư tĭng nkô̆ mpŏng hun hao njrăng nsuk ƀơ̆ đah rnoh mbrô 0 ta năm 2050. Chính phủ dôl ndăn mbơh toiwh nău kan ƀư ngih máy pă điện hạt nhân Ninh Thuận 1 n’hanh nău kan mĭn uănh khoa học, công nghệ hạt nhân ta Đồng Nai. Aơ lah ăp nău kan khlăy bâh ngih dak, an geh ăp ntŭk kan geh tât, tâm nĕ geh Viện năng lượng nguyên tử Việt Nam, an geh rgum âk rnoh kan n’hanh gay ma mbơh ƀư nău kan.