VOV4.M’nông-Kêng măng nar 8/7, ta ntŭk kan chính phủ, Bí thư Trung ương Đảng, groi Thủ tướng Lê Minh Khái leo rơh rƀŭn nchră rnâng kan ntĭm leo rơh rƀŭn nchră rnoh khlăy bâh Chính phủ nglôch lôch nău kan leo rnoh khlăy 6 khay ba năp, mpŏng tât nău kan ntĭm leo rnoh khlăy 6 khay dŭt năm. Nglôch lôch rƀŭn nchră, Groi Thủ tướng Lê Minh Khái lah na nê̆, nău leo kan mât uănh rnoh khlăy bâh aƀaơ tât dŭt năm an geh ƀư ueh na nê̆, tâm di, n’hanh leo kan tâm di an geh mât njrăng bah hao khlay ir rnoh ndơ dŏng râng geh bâh lĕ năm 2022 tĭng nkô̆ mpŏng chính phủ n’hanh Quốc hội pă an, bâh nĕ njêng nău kan dơh nơih an nău mât uănh tâm âk năm let năp tay. Groi Thủ tướng dăn đă, ăp n’gâng kan, ăp ntŭk kan mô dơi mô geh nău mât njrăng ngăn lah tâm rnôk rnoh pring xăng lam ntur neh dôl hao khlăy, rgum gĭt vât nău mĭn uănh năl, ndơ̆ mbơh trong kan leo kan an tâm di ngăn.

Nuĭh rblang: Thị Đoắt