VOV4.M’nông –  Groi Thủ tướng Lê Minh Khái (Tổ trưởng Rmôt pah kan mrô 2 bah Thủ tướng Chính phủ mpeh ntrôl dăng pă an prăk ntuh kơl nsum) mhe ƀư tơm rơh rƀŭn gay ntrŭt đă, dôh rklaih jêr jŏt, wăk kol, ntrôl dăng pă an prăk ntuh kơl nsum năm 2022 đah 8 n’gâng kan, ngih pah kan Trung ương 4 ntŭk. Tĭng N’gâng kan Kế hoạch n’hanh Đầu tư, dĭng trong nchrăp ntuh kơl, dĭng lĕ trong nchrăp ntuh kơl tơm prăk ngih dak năm 2022 Thủ tướng Chính phủ jao an 8 n’gâng kan, ngih pah kan n’hanh 4 ntŭk (mpeh tâm Rmôt pah kan mrô 2) lah rlău 24.700 rmen prăk. Tât lĕ khay 7, dĭng lĕ rnoh pă an bah 12 ntŭk kan lah bơi 7.400 rmen prăk, geh nklăp 30%. Tĭng Groi Thủ tướng Lê Minh Khái, pă an mbrơi geh âk nkô̆ nău, yơn tâm pă prăk mbrơi yor nkô̆ nău mô nchrăp lah khlay. Đă ăp N’gâng kan nău kan ntrôl ngăch nău tâm pă prăk. Thủ tướng đă kruanh n’gâng kan, ngih pah kan, n’gor uănh mĭn ntĭm rđău dŭt n’hâm, dôh rklaih ntŭk jêr jŏt, ntrôl rnoh ndơ ƀư n’hanh an ƀư ngăn.

Nŭih blang: Y Sưng Phê Ja