Tĭng nău mbơh tơih bâh n’gâng kan Tư pháp, nău nkra mhe Luật gay ma ndâk nsơm nău mô dơi bâh Luật năm kan 2012, nkre lah rgâl mhe răng dăng nău kan mbơh tơih, ntĭm nti pháp luật tĭng trong dŏng công nghệ, rgâl mhe rnoh mbrô n’hanh geh dŏng âk nău kan way ơm mbơh nău mhe. Ăp nău dăn đă rgum ƀư kloh nău kan bâh ntŭk kan, ntŭk leo kan, nuĭh kan, ƀư lôch nău pah kan bâh Hội đồng tâm rgop ta ăp  gưl kan, ntop nău kơl kan an rmôt nuĭh dơi kan way kan n’hanh n’hao rnoh nuĭh kan. Nglôch lôch rơh rƀŭn nchră, Groi Thủ tướng Lê Tiến Châu lah na nê̆ nău ŭch an geh rgâl mhe lĕ rngôch, bâh nău rdâk njêng trong kan tât nău leo ƀư, ndâk nsơm nău kan mô tâm di, mô ueh. Nkre lah uănh năl tay na nê̆ ntrong kan bâh lĕ mpôl kan ndrel tâm rgop nău, mât đăp mpăn ngăn ngên, ndrel đah n’hao nău dơi kan bâh nuĭh leo kan bôk năp.