VOV4.M’nông: Ta Đà Nẵng, ôi lơ 25/7, Uỷ viên Bộ chính rị, Groi Thủ tướng Rnâng kan Chính phủ Phạm Bình Minh ndrel rmôt hăn kan hŏ ôp khâl, pă nklâm ndơ gay ma kơl răk rong ân nŭih geh n’hâm ma cách mạng, tahen sôt rmanh tâm nkuăl ƀon têh Đà Nẵng, ntŭk mât rong, chăm ân 48 nŭih geh n’hâm đah cách mạng ndrel băl mpôl nŭih tahen khĭt mô hôm geh ntŭk rnơm.

Groi Thủ tướng Rnâng kan Chính phủ Phạm Bình Minh ôp khâl n’hâm soan ăp me, ăp tahen sôt rmanh, kơp dơn ndrel rnê prêh ăp nau nsôih bah Rnâng kan Giám đốc, nŭih pah kan bah ntŭk kan mât chăm, răk rong nŭih geh n’hâm. Groi Thủ tướng đă Ntŭk kan ân lŏ mât chăm, răk rong ân ueh ăp nŭih geh nau dơi kơl ta aơ. Jêh nê, Groi Thủ tướng Phạm Bình Minh ndrel rmôt kan hŏ tât ôp khâl, pă nklâm ndơ ân du đê̆ rnăk geh dơi kơl ntoh lư./.

Nŭih rblang: H’Thi