Kêng măng 5/7, ta nkuăl ƀon têh Hồ Chí Minh, Groi Thủ tướng Phạm Thị Thanh Trà mêt uănh nau nchrăp ân nau ƀư ƀư rgum joi, rgum nting tahen tâm Công viên Lê Thị Riêng (Phường Hoà Hưng, tâm Quận 10 bah năp nơh). Jêh rnôk mêt uănh ntŭk ƀư lễ, nau kan geh ndơn ăp ntoh măt, mât đăpm mpăn, rnă njrăng, dak si ndrel ăp nau dơi ƀư kan tâm rnôk joi, rgum nting tahen, Groi Thủ tướng Phạm Thị Thanh Trà đă ăp rmôt kan geh tât gay kơp uănh ân rjăp ăp nau kan. Tĭng Groi Thủ tướng Phạm Thị Thanh Trà, nau kan saơ du ntu môch jong nklăp 25 m, hvi nklăp 3 m, bôk năp geh saơ 5 nting tahen ndrel ma âk blah tăng tahen ndrel âk nting hăch tâm nkuăl A bah Công viên Lê Thị Riêng, nê lah nau geh uănh saơ khlay, bol ma mhe geh saơ bôk năp.

Ntơm bah nau geh saơ bôk năp, Groi Thủ tướng Phạm Thị Thanh Trà mpŏng ŭch mra pơk trong ƀư rêng lơn tay nau dăng rjăp tâm nau rêh jêng, ƀư rêng nau khlay tâm trong tâm rŏng jru bah nau kan hăn joi, rgum leo ăp nting tahen khĭt kăl e, rgum nau nsum ty bah ăp gưl kan, ntŭk kan, ăp nŭih kan khoa học, tahen ơm, ăp nŭih tă râng saơ kăl e ndrel ƀon lan tâm dak dak tâm nau kan hăn joi, rgum nting tahen khĭt./.