Ôi 8/10, ta Ngih pah kan Chính phủ, Groi Thủ tướng Trần Hồng Hà wơt wa Shingo Ueno, Kruanh nkre ƀư Tổng Giám đốc Tập đoàn Sumitom (Nhật Bản). Groi Thủ tướng Trần Hồng Hà mĭn lah: tâm boh kan ndrel lĕ rngôch đah Việt Nam n’hanh Nhật Bản nar lơ hun hao, n’gâng tơm khlay an tâm boh kan ndrel wăng sa 2 dak geh âk săk rnglăy têh khlay, lĕ rngôch.

Việt Nam wơt rhơn n’hanh uănh lah dŭt prêh nău ƀư bah ăp doanh nghiệp Nhật Bản, rgop ƀư ăp tâm ton kan ndrel ăp ding đah 2 dak. Ta nar wơt, Groi Thủ tướng Trần Hồng Hà lĕ tâm nchră mpeh dăn đă bah Sumitom ntuh kơl nău nchrăp ƀư ngih măy điện tuabin khí LNG Vân Phong 2; trong mkra jêr jŏt, wăk kol gay ơm ndơ̆ trong Metro mrô 1 (Bến Thành-Suối Tiên) ta nkual ƀon têh Hồ Chí Minh an dŏng.