VOV4.M’nông: Kêng măng 25/7, ta ntŭk kan Chính phủ, Groi Thủ tướng Vũ Đức Đam, Kruanh rmôt kan mrô 3 tât mêt uănh, bonh đă, doh rklaih nau jêr, ntrŭt dăng nau ân manh prăk ntuh kơl năm 2022 hŏ pah kan đah 17 n’gâng kan, ntŭk kan Trung ương, 2 n’gor Cao Bằng, Bắc Kạn mpeh nau ngăch pă tơm prăk ntuh kơl nsum. Kơp tât lơ 30/5, rnoh ân manh prăk kan bah 17 n’gâng kan tâm rmôt kan mrô 3 geh nklăp 1.585 rmen, geh 8,77% nau nchrăp ndrel dêh lơn rnoh geh nsum bah lam neh dak. Kơp tât 22/7, n’gor Cao Bằng geh rlau 22%. Nkô̆ nau khuch tât nau pă prăk dŏng ntuh kơl nsum yor rgâl nau kan, mpeh nau ƀư nau ndâk nkra, bôk nau kan ODA, nau hao khlay bah rnoh ndơ, nŭih pah kan ndâk nkra...Lôch nar rƀŭn, Groi Thủ tướng Vũ Đức Đam đă ân lŏ ntrŭt dăng nau pă tơm prăk ntuh kơl nsum, nchrăp mra geh kơt nau ndŏ luh tâm dŭt năm, nau mĭn ƀư ân rjăp lah geh prăk lah ân geh leo dŏng kan. Đah ăp nau kan geh ƀư săm ƀŭt kan ri mplŏ lơi, nkre tâm rnôk mplŏ ri ăp tơm ntuh kơl ăp ntŭk kan ân geh ƀư ngăch, rnôk tŏng nau kan ri ân geh pă tay./.

Nŭih rblang: H’Thi