VOV4.M'nông: Rơh thi THPT năm 2022 lah rơh thi khlay dơi Chính phủ êng ŭanh khlay. Tâm bah ôi 7/7, Groi Thủ tướng Vũ Đức Đam hŏ tât ŭanh ntŭk thi THPT ta nhih nti THCS Nghĩa Tân, Cầu Giấy, Hà Nội, rgŏ jă kon se râng thi n'hanh me bơ̆ kon se nsrôih nđơr. Lôch rnôk ăp kon se luh bah jrô thi môn Ngữ Văn, Groi Thủ tướng Vũ Đức Đam hŏ tât chop khâl n'hanh rgŏ jă ăp kon se râng thi mpeh ntŭk jrô thi n'hanh rnoh tâm pă gưl bah đề thi…Groi Thủ tướng tât ôp khâl ăp me bơ̆ kon se nti mpeh nău mĭn, nuih n'hâm nchrăp an rơh thi khlay dja. Rnê âk pah kan ƀư rơh thi THPT năm 2022 bah nkual ƀon têh Hà Nội n'hanh ăp n'gor lam dak. Groi Thủ tướng Vũ Đức Đam njrăng đă, nău tĭng ƀư nău way thi ân dŭt n'hâm răp jăp; nkre nta trong dơh an kon se râng thi. Lơn lah, đah ăp nuĭh hăn tât bah kơi mô lah tih nău way tâm jrô thi ân mĭn uănh na nê̆, di đah ngăn ngăn, der an ăp mon geh ăp nău tih mô di ma geh mô lah mô ndra ma lơh jêng nău tih./.  

Nuĭh rblang: Điểu Thân