Ta rơh hop, HĐND n’gor Gia Lai tâm ban ŭch n’gluh an dŏng ăp nghị quyết khlay lah: uănh an dŏng n’glêh an ngân sách n’gor năm 2025; Trong nchrăp hun hao wăng sa – rêh jêng kon nuĭh 5 năm lvang năm 2026-2030; ntlơi nghị quyết mpeh nău dơi n’glêh an nău dơn kan n’hanh trong nchrăp sŏk dŏng tơm prăk way sŏk dŏng mbro tơm prăk ngân sách ngih dak ta n’gor; rgâl, nkra kơi ntop du đêt quy định mpeh ntrŏng năl tĭng ntil neh n’hanh săk nchih ăp ntil neh năm 2026; quy định trong ntop kơl nuĭh dŏng ndơ su lêk săk nuĭh khĭt ta n’gor.

Mpeh nău dăp rgum nhih pah kan ăp gưl n’hanh 1 năm lăp kan bah n’gâng kan 2 gưl, siƀŭt mbơh ta rơh hop an gĭt nha hôm du đêt jêr jŏt đŏng. Ntĭt kơt tâm nê lah du đêt hồ sơ, mât prăp nău lư mô hŏ dơi ăp kôp ăp tŏng; nău dăng kan, nău tă ơm gĭt kan bah du đêt cán bộ tâm rnôk dơn nău kan mhe hôm mpăng đêt. Du đêt ntŭk hôm pah pât nuĭh kan ta ăp ntil trong kan way blău ƀư kơt neh ntu, rdâk njêng, prăk kaih, công nghệ thông tin n’hanh rgâl mbrô. Nău mô hŏ dơi jao biên chế lôch n’glăp nsum ƀư jêr jŏt an pah kan tâm pă, sơch lăp n’hanh dŏng cán bộ, công chức gưl xã.