VOV4.M’nông-Nău kơl an, prăk khay mô tŏng năp tâm nău rêh, nău pah kan jêr ƀư an ăp cán bộ mât bri rlu kan, âk nău kan ƀư điện sial ta Gia Lai lĕ lôch yơn mô geh kơp dơn an dŏng...Lah ăp nău ma âk nuĭh ƀon lan, nuĭh kan ta HĐND n’gor Gia Lai mât uănh, ndơ̆ nchră ta rơh rƀŭn nchră HĐND n’gor Gia Lai khóa 12 nar naơ 8/7. Ta rơh ôp nău nuĭh kan ndrel HĐND n’gor Gia Lai, âk nău geh ƀon lan n’hanh âk ntŭk kan mât uănh lĕ geh mbơh ta rơh rƀŭn nchră.

Tâm nĕ ntoh lư ngăn lah nău kan mât uănh bri hôm nha geh âk nău jêr, mpŭng lir prăk bâh ăp nău nchrăp ƀư điện sial ê hŏ geh nthoi tay, nău pă veh kơp neh tuch tăm gay ma tăch geh dŭt âk. Ơh nău ôp mpeh ăp nău jêr tâm trong kan mât uănh bri, wa Lưu Trung Nghĩa, Giám đốc ntŭk kan tuch tăm mât rong n’hanh hun hao ƀon lan n’gor, Đại biểu HĐND n’gor Gia Lai mbơh, tâm ba năp nơh, mpôl way kan mât uănh bri ta Gia Lai dăn rlu kan ƀư an rnoh nuĭh kan tâm trong kan aơ mô tŏng. Nkô̆ nău lah yor nău geh mô âk, prăk kơl mô âk đah săk soan pah kan, ngăn lah nău kan dŭt ŏ r’ah, jêr ngăn.

Nuĭh rblang: Thị Đoắt