Bah dŭt khay 6, Khánh Hòa mbơh ƀư Bôk nău kan 90 nar ƀư sŏk neh ăp ndơ ƀư khlay, nuih n’hâm ta lam n’gor. Tât aƀaơ, 13 nău nchrăp ƀư lĕ jêh mô lah ntơm geh nău rƀŏng; 7 nău nchrăp ƀư geh ngăch bah 50% let lơ n’hanh dơi jêh lah hao ngăch tay.

13 nău nchrăp ƀư ngăch bah dâng 50%. Nkô̆ nău mbrơi lah samƀŭt rhăch nău neh ntu jêr, du đêt ntŭk kan tâm rgop mô hŏ ueh, samƀŭt rhăch nău mô dơi năl, ntrŭnh jêh n’hanh mô pah kan đah nuĭh ƀon lan. N’gâng kan Xây dựng n’gor Khánh Hòa lĕ nchih săk nklăp 30 nău nchrăp ƀư khlay, rgum tâm ăp rmôt ntuh kơl nsum, nkual têh, jay gŭ, pâl nđaih, công nghiệp n’hanh ŭnh nar.... Dĭng lĕ tơm prăk ntuh kơl bah aƀaơ tât dŭt năm nklăp 66.000 rmen prăk.