6 khay bôk năm, văng sa Khánh Hoà lŏ mât nau dơi hun hao ueh, đah nau dơi văng sa hao rlau 9%, dâk tal 14/34 n’gor, nkuăl ƀon têh tâm lam dak. Ƀư ueh dơi ăp nau tă geh, n’gor dôl rgum ƀư n’hong ueh ăp nau nsôih gay hun hao, ân ƀư jêh ăp nkô̆ nau hun hao rlau 10% tâm năm 2026. Tĭng nau geh kơp, Khánh Hoà, bar n’gâng tơm khlay rgop tâm rnoh văng sa rlau 9% bah n’gor nê lah nau kan công nghiệp-ndâk njêng, hao rlau 12%;

Nau kan pâl n’aih geh 9%. Lam n’gor geh 1.557 ntŭk ƀư nau kan tăch rgâl geh ndâk mhe, hao rlau 33%. Gay ƀư jêh dơi nkô̆ nau hun hao văng sa 10% tâm lôch năm, Khánh Hoà ân geh rnoh hun hao rlau 11% tâm 6 khay dŭt năm. Nkô̆ nau aơ geh kơp bah n’gor Khánh Hoà geh rnê lah geh nau dơi yor geh nau nsôih mhe mra geh ƀư ueh tâm n’gul dŭt năm./.