Yơn lah, nău kan ntrơn ntŭk gŭ, ntrơn ntŭk gŭ mhe n’hanh ƀư nău kan hôm nha lah du nău kŏ văk dŭt têh khuch tât nău ngăch ntuh kơl n’hanh hun hao wăng sa. Gay ma ƀư tĭng lôch nău mpŏng GRDP 6 khay bôk năm hao dŭt đê̆ lah 9,1%, Kruanh UBND n’gor Khánh Hoà Nguyễn Việt Hùng đă ăp ntŭk kan, ăp n’gâng kan n’hanh ăp ntŭk rgum doh rklaih ăp nău jêr jŏt an doanh nghiệp, pơk hvi ntŭk tăch rgâl, ntrôl pah kan công nghiệp, n’hao âk nău dơi kan ăp ngih máy điện n’hanh ntrôl ngăch ƀư ăp nău kan tơm khlăy. N’gor lĕ đă rgum rnoh kan an nău ntrơn ntŭk gŭ, ntŭk gŭ mhe, ntuh kơl n’hanh pă prăk ntuh kơl nsum, ngăn lah ăp nău kan ƀư trong hăn, nău nsrôih n’hanh ăp nkual gŭ mhe.