Ôi 23/5, ta nkual ƀon têh Kon Tum, UBND n’gor Kon Tum ƀư Lễ mpư rnê, nkhôm an 113 nai nti n’hanh 185 kon se nti blău ntoh lư năm nti 2024 - 2025. Năm nti 2024 - 2025 n’gor Kon Tum geh 36 kon se nti geh nkhôm rnê rơh thi kon se nti blău gưl neh dak; 2 kon se nti geh nkhôm rnê tâm Rơh thi khoa học kỹ thuật gưl neh dak an kon se nti trung học; rnoh âk kon se nti nuĭh rnoi mpôl đê̆ râng Rơh thi sơch kon se nti blău gưl n’gor nar lơn ma âk mpeh săk blău n’hanh rnoh âk….wa Phạm Thị Trung, Giám đốc Sở Giáo dục n’hanh Đào tạo n’gor Kon Tum, an gĭt, năm nti 2024 - 2025 đah trong rƀŏng “Nău way neh dak, dơn kan- rgâl mhe- blău ƀư mhe n’gâng kan ntĭm nti hŏ dơi geh n’hanh rlău ăp rnoh tât kan ma Đại hội Đảng bộ n’gor năm kan 2020 - 2025 n’gluh.

 Na nê̆, ntĭm nti âk lam geh ăp nău dơi ntoh lư, kơt rnoh âk kon se nti dơi rgum lôch nti, rnoh âk kon se nti dơi nti 2 tơ̆ tâm du nar n’hanh rnoh âk kon se nti rnoi mpôl đê̆ dơi rgum hăn tât jrô nti dơi tât n’hanh rlău rđĭl đah rnoh ŭch geh.