VOV4.M’nông-Tâm 3 nar ba năp, hăn ndrel đah rlău 4.600 kon hoc, pah kan vơt an nar thi bâh đoàn n’gor Kon Tum lĕ geh âk nău rnê ta rơh thi Tốt nghiệp THPT năm aơ. nău pah kan kơl an rơh thi năm aơ lĕ geh rnâng kan Đoàn n’gor Kon Tum ƀư ta 12 ntŭk thi bâh n’gor đah rlău 700 nuĭh kơl kan tât râng.

Tâm 3 nar ba năp ăp mpôl kan tâm kơl lĕ pă an bơi tât 5 rbăn bok put mbung, 150 dak rao ti, rlău 5.700 dak ngêt, ao mih, ndơ dŏng nti..Êng mpôl kan rdeng nuĭh mô geh ndeh hăn lĕ kơl an rlău 1.300 tơ̆ hăn nsong rdeng kon hoc tât thi, rhiăng nuĭh chuêl săm ƀŭt, ndơ dŏng nti n’hanh bĭch rok geh ngăch vơt kơl tât ntŭk thi.

Nuĭh rblang: Thị Đoắt