VOV4.M’nông – Đah nuih n’hanh hăn ndrel đah doanh nhân, doanh nghiệp, UBND n’gor Kon Tum mhe ƀư rƀŭn nchră đah doanh nghiệp. Rlău 10 nău rgop ntoh ngơi na nê̆ n’hanh 32 nău rgop đah sam ƀŭt njuăl tât kruanh UBND n’gor Kon Tum ta rơh tâm nchră an saơ, rmôt nău ma ăp doanh nghiệp dôl nkra njêng, tăch rgâl ta Kon Tum mâp nu nău mbrơi tâm nău uănh an dăp rgum ndrel đah ăp nău wăk kol geh tât neh ntu. Bah meng nĕ ăp nău wăk kol mhe ntoh tâm rnôk hăn uănh, manh bri gay tăm tơm dak si n’hanh hun hao pâl nđaih sinh thái ƀư du đêt nău nchrăp ƀư mâp jêr jŏt, mbrơi ƀư.

Wa Nguyễn Ngọc Sâm, Groi Kruanh UBND n’gor Kon Tum ơh nău doanh nghiệp  geh tât nkô̆ nău dăp rgum dŏng neh.

Rmôt doanh nhân mom n’gor Kon Tum nkoch 11 nău dăn đă đah UBND n’gor Kon Tum. Tâm nĕ, kơl lor bôk năp mbra dôh rklaih jêr jŏt an doanh nghiệp tơm prăk rdâk hao, hun hao nkra njêng. Nkre ntop kơl, nta nơih an doanh nghiệp dơh tâm nău geh neh ntu gay ntuh kơl hun hao nkra njêng tăch rgâl. Kơp dơn ăp nău dăn đă, bah doanh nghiệp, nuĭh ntuh kơl, kruanh n’gor Kon Tum đă ăp n’gâng kan, djăt săch ăp nău dăn đă bah nsum mpôl doanh nghiệp gay tâm ôp tâm nchră an trong ƀư, nău kơl mpeh tâm nău dơi mkra; rgum lĕ mbơh an Trung ương du đêt nău doanh nghiệp dăn đă kơl doanh nghiệp rlet rlău jêr jŏt rdâk hao nkra njêng, tăch rgâl, rƀŏng tât hun hao nâp nâl.

Nuĭh rblang: Y Sưng Phê Ja