Ndơn kan an kruanh Đảng, Ngih dak, Kruanh Ban Tuyên giáo Trung ương Trịnh Văn Quyết pă Huy hiệu 80 năm Đảng n'hanh pă kao si rhơn an ăp đảng viên: Lê Thị Thủy, ta thôn Trung Thôn, xã Thọ Long; Nguyễn Xuân Trớc, ta mrô jay 03/319 Lê Thánh Tông, phường Hạc Thành; Trịnh Khắc Thuần, ta mrô jay 11 phố Đỗ Hành, phường Hạc Thành. Ta rnăk wâl ăp đảng viên geh dơn Huy hiệu 80 năm Đảng, Kruanh Ban Tuyên giáo Trung ương Trịnh Văn Quyết lah na nê̆: Aơ mô dơn lah nău rhơn têh đah ăp đảng viên n'hanh rnăk wâl, ma hôm nha lah rơh gay ma ntĭm nti nău way ơm cách mạng, n'hao nău knơm, nău mĭn n'hanh nău kan an rơh aƀaơ, ngăn lah rơh mom. Đồng chí Kruanh Ban Tuyên giáo Trung ương mpŏng lah, ăp đảng viên geh pă Huy hiệu 80 năm Đảng mât ueh săk soan, lah nău ntoh ang gay ma cán bộ, đảng viên n'hanh kon sau kơt nti, ƀư tĭng.