Ôi 26/5, ta Nhih pah kan kruanh dak, Kruanh dak Lương Cường n’hanh I ur hŏ ƀư tơm lễ wơt rgum Tổng thống Pháp Emmanuel Macron n’hanh I ur khâl gưl Ngih dak tât Việt Nam. Tâm boh chính trị uĕh lăng đah bar dak dơi ntơm ma ăp trong hăn khâl gưl ngih dak. Lơn lah, khay 10/2024, Tổng Bí thư, Kruanh dak Tô Lâm khâl ngăn Pháp n’hanh bar dak n’gluh nău mbơh nsum mpeh nău n’hao tâm boh Việt Nam - Pháp jêng tâm boh lam lĕ rngôch.

Ndrĭ, Pháp jêng dak lor bôk năp mpeh Liên minh châu Âu geh tâm boh ta rnoh dŭt têh đah Việt Nam. Nău Tổng thống Pháp sơch Việt Nam ƀư ntŭk tât lor bôk năp tâm trong hăn khâl bah he mpơl kloh nău an lor têh jong n’hanh nău khlay jru bah Pháp rong an tâm boh bar ding đah Việt Nam. Lôch rnôk lễ wơt ngăn, Kruanh dak Lương Cường n’hanh Tổng thống Emmanuel Macron ndrel leo mpôl ntơh măt gưl têh bar dak ƀư du rơh tâm nchră ăp trong rgop ƀư jru hvi tay, nsĭt nău dơi geh tam lơn tâm boh têh jong lam lĕ rngôch đah bar dak.