Tâm rnôk hăn khâl gưl Ngih dak Cộng hoà Ai cập, ôi lơ 4/8 (mông dak nê), Kruanh dak Lương Cường ndrel rmôt kan ntoh măt gưl prêh Việt Nam hŏ tât khâl ndrel ntoh nau tâm ntŭk kan Arab ta Thủ đô Cai-rô đah nkô̆ “Pơk luh du nau kan mhe tâm nau tâm boh ndrel kan nsum đah Việt Nam ndrel ăp dak Ả-rập yor nau đăp mpăn, tâm boh ndrel hun hao”. Rmôt kan Arab lah ntŭk kan bah ăp dak Arab tâm nkuăl châu Phi ndrel gôl dak Arab, geh ndâk ntơm năm 1945. Rnôk aơ, rmôt kan Arab geh 22 dak kan nsum. Khay 7 năm 2023, Việt Nam ndrel rmôt kan Arab hŏ ndâk nau tâm boh. Ntoh nau ta aơ, Kruanh dak Lương Cường lah rjăp: Việt Nam ŭch ndrel nkah du nau mhe tâm nau tâm boh ăp ntil đah Việt Nam đah ăp dak Arab oh nô yor nau đăp mpăn, tâm boh ndrel hun hao.

Nkah tay ăp nau dơi têh geh nau khlay bah Việt Nam tâm bơi tât 40 năm rgâl mhe, Kruanh dak kŏ nkoch 5 nau ntĭm nti dơi têh. Rnôk aơ, Đảng, Ngih dak Việt Nam hŏ leo nau rƀŏng mhe, nsôih tât năm 2045 leo Việt Nam jêng dak hun hao, geh nau âk. Kruanh dak lah rjăp Việt Nam mro ryơk, mât ndrel rhơn rnôk geh tâm boh đah 22 neh dak kan nsum bah rmôt kan Arab, đah âk nau tâm boh nar lơn ma nâp ndrel tam. Kruanh dak kŏ đă bar ding ndrel n’hao tâm rgop ƀư tâm nchră âk ding tâm nkuăl ndrel lam ntur neh, ndrel ntrŭt dăng tâm boh nâp nâl tâm bar nkuăl, rgop nau ndâk du ntur neh ueh, rjăp, ăp ntil lơn./.