Lơ 2/12, Kruanh dak Lương Cường, Kruanh Rnâng kan rđau rgâl mhe Tư pháp Trung ương pah kan đah ngih phat dôih ƀon lan gưl prêh mpeh nau kan bah ntŭk kan tâm rơh rlau aơ. Jêh geh djăt ăp nau mbơh bah ntoh măt ăp n’gâng kan, ntŭk kan, ntoh măt rđau kan Ngih phat dôih ƀon lan gưl prêh, Kruanh dak Lương Cường mbơh, ntơm bôk năm kan Đại hội tal XIII bah Đảng tât rnôk aơ, êp ăp nau nơih bah ntŭk Ngih phat dôih kŏ mâp âk nau jêr, yơn lam ntŭk kan hŏ geh dơi nau kan, nau tâm rnglăp nsôih ƀư jêh ăp nau kan, nau dơi tĭng nau ntrŭnh.

Kruanh dak mbơh kloh ăp nau kol, nau ê dơi ndrel đă Ngih phat dôih rklaih ƀư ueh nau kan, rgop nau ƀư dơi nau kan, nkô̆ nau khlay tâm rơh tât. Kruanh dak rnơm đah nuih n’hâm tâm rnglăp, nsum nuih n’hâm, ntŭk kan Ngih phat dôih mra rlet nau jêr, ntul rlong ndrel ƀư ueh nau kan bah nơm, hun hao ăp ntil ndrel rjăp lơn tâm rơh tât./.