Kêng măng 3/12, Kruanh ban Nội chính Trung ương Phan Đình Trạc ndrel Mpôl đại biểu Quốc hội n’gor Lâm Đồng lĕ mâp nuĭh ƀon lan xă Đưng K’Nớ, nkuăl Lạc Dương. Xă Đưng K’Nớ, nkuăl Lạc Dương, n’gor Lâm Đồng geh rlău 90% nuĭh ƀon lan lah nuĭh rnoi mpôl đêt. Ndrel đah dăn đă Ngih dak an ndăn jêh trong hăn Trường Sơn Đông, tỉnh lộ 722 hăn ta ntŭk gay ntrôl dăng boăt nthoi tâm rgâl, ntuh kơl ntung trong, ngăn lah trong rse điện 3 pha đăp mpăn rhŏ an tuch tăm n’hanh nău rêh, ntrôl wăng sa-rêh jêng hun hao...

Nuĭh ƀon lan ntŭk aơ dŭt uănh tât trong kan mât uănh bri n’hanh ăp nău kơl geh tât bah bri gay n’hao nău geh, đăp mpăn nău rêh. Ntoh ngơi ta nar mâp, Kruanh ban Nội chính Trung ương Phan Đình Trạc an lah nău rgop bah nuĭh ƀon lan lah dŭt di. Mpôl đại biểu Quốc hội n’gor Lâm Đồng mbra dăn đă ăp ngih pah kan, ntŭk kan geh tât mĭn uănh tay, mkra, nkre mĭn njêng tay ăp trong mkra gay đăp mpăn joi nău rêh nâp nâl an nuĭh ƀon lan rêh nsing tâm bri. Rơh aơ, Mpôl đại biểu Quốc hội n’gor Lâm Đồng lĕ an 20 nklâm ndơ an ăp rnăk dơi kơl, rnăk ach o, jêr jŏt.