Ôi 3/12, ta n’gor Đồng Nai, Thủ tướng Chính phủ Phạm Minh Chính hăn uănh nđôi n’hanh pah kan mpeh nău nchrăp ƀư tach ndeh păr quốc tế Long Thành n’hanh trong hăn ngăch Biên Hòa-Vũng Tàu. Nău nchrăp ƀư tach ndeh păr quốc tế Long Thành geh dĭng lĕ rnoh ntuh kơl 22.856 rmen prăk.

Đah nău ntĭm rđău dŭt n’hâm bah Thủ tướng Chính phủ, nău lăp dŭt n’hâm bah ăp n’gâng kan, nău kan, ƀon lan, ăp ngih pah kan geh tât n’hanh nău nchrăp lor, dŭt n’hâm bah Tổng công ty Tach ndeh păr Việt Nam (ACV), ngăn lah mât uănh ntĭm rđău bah Thủ tướng Chính phủ mĭn kloh “năm 2024 lah năm hao ngăch, năm 2025 lah năm rgâl mhe”, ngăch mbơh ƀư nău nchrăp ƀư geh âk săk rnglăy dŭt uĕh. Thủ tướng ntĭm rđău rgŏ jă rơh tâm rlong têh 450 nar măng ta ntŭk kan, ndơ̆ nău nchrăp ƀư tât lor tâm lơ 31/12/2025. Thủ tướng đă ăp ntŭk kan ndâk ƀư Tach ndeh păr Quốc tế Long Thanh n’hanh trong hăn ngăch Biên Hòa-Vũng Tàu ngăch ƀư, ntrôl ngăch ƀư lơn tay gay ƀư ntop nar lĕ mbrơi bah năp nĕ.