Ƀư tĭng bôk nău kan mâp nuĭh ƀon lan jêh rơh rƀŭn tal 8, Quốc hội khóa 15, ôi nđaơ (3/12) Tổng Bí thư ndrel ăp đại biểu ntŭk săch mrô 1, Mpôl Đại biểu Quốc hội Nkual ƀon têh Hà Nội lĕ geh nar mâp ăp nuĭh ƀon lan ta 3 quận Ba Đình, Hai Bà Trưng n’hanh Đống Đa gay mbơh jêh rơh rƀŭn n’hanh ơh nău ăp nău rgop dăn đă bah ăp nuĭh ƀon lan njuăl tât Quốc hội. Ntoh ngơi ta rơh mâp, Tổng Bí thư Tô Lâm mĭn lah, mbra nsrôih dŭt n’hâm nơm, lôch uĕh nău kan bah nuĭh Đại biểu nuĭh ƀon lan Thủ đô, gay tâm di đah mpŏng kâp ma nuĭh ƀon lan nsing nơm.

N’hanh dŭt n’hâm tay, njrăng n’gang sa khâm sa ƀer, mpŭng lir, Tổng Bí thư mĭn lah, dŭt n’hâm tay, lôch dŭt, lơn lah jêh rnôk Bộ Chính trị, Ban Bí thư ntrŭnh ndơ̆ tay nkô̆ nău njrăng n’gang mpŭng lir tâm nău kan bah Ban ntĭm rđău Trung ương mpeh njrăng n’gang sa khâm sa ƀer. Ta rơh mâp đŏng, Tổng Bí thư lĕ ơh ăp nău ôp ăp nău nuĭh ƀon lan uănh tât, nkre dăn đă Mpôl đại biểu nkual ƀon têh Hà Nộ tâm rgop đah ăp ngih pah kan bah nkual ƀon têh djôt dơn lĕ rngôch nău rgop ƀon lan, kơp uănh tay ăp nkô̆ nău gay dăn đă ăp ngih pah kan dơi mkra bah Trung ương n’hanh Quốc hội mkra.