Container cà phê vâr kĭn môi bâh nău ntơ Miss EDE tăch an ntŭk tăch rgâl Hoa Kỳ geh rdeng 18 rbăn nklâm cà phê vâr kĭn môi. Aơ lah ntil cà phê lĕ ƀư lôch ueh bâh Công ty TNHH tăch rgâl Dịch vụ Nông trại EDE, geh tâl dŭng ta Việt Nam. Cà phê geh ƀư tĭng nău way jêng ndruih geh tâm di đah FDA Hoa Kỳ. Ntil ndơ cà phê geh tăm ta nkual neh tăm jŏ nâp nâl mô geh rŭn in bri, geh tâm di kơp dơn EUDR n’hanh geh mât uănh bâh Simexco Đăk Lăk. Doanh nghiệp rvăt nglăp ta tiểu bang Ilinois nHoa Kỳ, pă ntil ndơ ta siêu thị ta ntŭk, pơk trong mhe geh dăch đah nuĭh dŏng Hoa Kỳ n’hanh n’hao nău ntơ Việt Nam ta ntuk tăch rgâl lam ntur neh. Đah nău geh tay du doanh nghiệp ta Đăk Lăk tăch an dak bah dih ntil cà phê vâr kĭn môi tât Hoa Kỳ lah du rơh nkhêp gay ma cà phê Việt Nam mpơl na nê̆ nău dơi kan ta ăp ntŭk tăch rgâl têh ta lam ntur neh.