Kêng măng 3/12, Tổng Bí thư Tô Lâm, Bí thư Quân ủy Trung ương lĕ tât khâl n’hanh pah kan ta Bảo tàng Lịch sử Tahen Việt Nam. Aơ lah ngoăy tâm âk bảo tàng tahen têh n’hanh jŏ năm ngăn ta Việt Nam, đah nău ƀư tơm khlay nău mât ndrăy n’hanh mât uĕh ăp nău khlay lịch sử tahen bah rnoi nuĭh. Bah năm 2020, N’gâng kan mât njrăng bri dak lĕ mbơh ƀư ndâk njêng Bảo tàng lịch sử tahen Việt Nam mhe ta rnoh neh bơi 39 ha ta quận Nam Từ Liêm, Hà Nội; tât aƀaơ ntơm jêh lvang 1 n’hanh na nê̆ pơk mpông wơt năch hăn uănh.

Ntoh ngơi ta nar pah kan, Tổng Bí thư nkoch nău uĕh mpeh ntŭk ntô Bảo tàng ndrel ăp ndơ uĕh, saơ dŭt uĕh nău têh jêng bah rmôt Tahen ƀon lan Việt Nam janh dăng. Lah rjăp, aơ lah ntŭk khlay gay nti nsơm, mĭn njêng hăn ndrel đah mât neh dak dŭt janh dăng bah u che he, ngăn lah ăp ntĭm rđău dŭt blău bah Đảng he tĭng lvang hun hao bah neh dak, Tổng Bí thư đă ăp N’gâng kan nău kan ƀon lan n’hanh nkual ƀon têh Hà Nội nta an tay N’gâng kan mât njrăng bri dak ơm jêh ăp ndơ ntuh kơl lvang 2 bah bảo tàng.