Nău kan rdâk ƀư tach ndeh păr hăn đah dak bah dih Long Thành lah nău kan ƀư tach ndeh păr dŭt têh bâh dak he bâh ntơm tât aƀaơ. Aƀaơ nău kan ƀư bâh ăp ntŭk tơm dôl geh Tổng công ty tach ndeh păr hăn đah dak bah dih Việt Nam ntrôl ngăch tĭng di nău ntĭm đă bâh Chính phủ mât đăp mpăn nkô̆ mpŏng kan ƀư lôch ndơ̆ lăp dŏng ta năp lơ 2/9/2026. Aơ lah rơh tal 5, Thủ tướng Phạm Minh Chính uănh năl nău ƀư tach ndeh păr Long Thành. Aƀaơ ta ntŭk ƀư, Thủ tướng lĕ hăn uănh năl ƀư ăp nău kan, ăp ntŭk ƀư. Nkô̆ mpŏng dŭt năm 2025 lĕ rngôch ăp nău kan an geh ƀư lôch n’hanh dŭt năm 2026 an geh ƀư tach ndeh păr. Thủ tướng đă ăp nău kan an geh lôch n’hanh dŭt khay 2 năm 2026 an ntơm lăp dŏng tach ndeh păr aơ. Thủ tướng đă nău kan an geh mât tâm di, ueh, nâp, đăp mpăn pah kan, an geh pah kan lĕ măng nar mô klach mih duh sial dăng, sa ndăn ngêt ndăn pah kan lĕ nar rlu nar tết gay ma dơi geh tâm di đah nău nchrăp kan.