Ntoh ngơi ta rơh pah kan, Kruanh dak Lương Cường lah na nê̆, an geh ntrôl dăng nău kan rdâk njêng leo ƀư kan đảng tâm n’gâng kan Kiểm sát kloh ueh, nâp dăng, n’hao nău leo kan bâh Đảng đah nău pah kan uănh nđôi, mât đăp mpăn nău way kan rgum ƀư tơm bâh ƀon lan, n’hao nău leo kan bâh ăp gâl kan ủy, ntŭk kan đảng, n’gâng kan n’hanh lĕ rngôch tâm ăp ntŭk kan kiểm sát. Geh tât nău ƀư dơh nơih nău  kan, kruanh dak nkah đă aơ lah du nău kan dŭt khlăy, n’gâng kan Kiểm sát an geh ƀư ueh nău ntrŭnh bâh Đảng tĭng nău pă dăp leo ƀư nău kan ueh, ngăch, dơh-săk rnglăy-geh nău tam-dơi kan , ndrel đah rgâl mhe nău leo kan đah ntrong rgâl mhe nău leo kan, mât đăp mpăn nău kan bâh cán bộ, công chức, viên chức tŏng ntil ndơ, nău dơi, nău biên chế tâm di, tâm di đah nău kan, ntŭk kan an geh tâm di khoa học, tâm di đah nău ngăn, uănh năl na nê̆ nkô̆ kan mât uănh cán bộ, nuĭh kan, nuĭh pah kan.