VOV4.M’nông-  Ôi nar 4/8, n’gâng kan công an ƀư rơh vơt dơn nău ntơ Anh hùng lực lượng vũ trang nhân dân ta rơh rgâl mhe an du ntŭk kan bâh mpôl kan tình báo Công an nhân dân. Kruanh dak Nguyễn Xuân Phúc râng n’hanh pă nău ntơ Anh hùng lực lượng vũ trang nhân dân.

Ntoh ngơi ta rơh lễ, kruanh dak Nguyễn Xuân Phúc lah na nê̆ nău vơt dơn nău ntơ anh hùng rơh aơ lah nău rhơn têh, nău dŭt têh kuăng bâh lĕ mpôl kan công an nhân dân lah êng n’hanh mpôl kan tình báo công an nhân dân lah êng, lah na nê̆ nău kơp dơn tâm di bâh Đảng, ngih dak đah lĕ trong nsrôih kan, ntop kan mô gĭt ŏ r’ah bâh mpôl kan tình báo công an nhân dân. Kruanh dak knơm mpôl kan tình báo công an nhân dân mbra ăp nar lơ ma têh dăng, lah mpôl kan tơm khlăy, geh nău knơm, tâm di đah nău ŭch rŏng, bâh Đảng, ngih dak n’hanh ƀon lan, lah nuĭh kan bâh Đảng tâm ban kơt kruanh Hồ Chí Minh lĕ tă ntĭm nti.

Nuĭh rblang: Thị Đoắt