VOV4.M’nông – Nkhêp di nkah gĭt 75 năm Nar Thương binh-Liệt sĩ (27/7/1947-27/7/2022), ôi 26/7, Kruanh dak Nguyễn Xuân Phúc lĕ tât râng rƀŭn nchră rnê rhơn nuĭh geh soan đah cách mạng ntoh lư tâm Công an ƀon lan lvang 2017-2022. Râng rƀŭn nchră geh 461 đại biểu ntoh măt an hang rmưn tahen sôt rmanh, nuĭh rnăk tahen lĕ khĭt n’hanh nuĭh geh soan đah cách mạng lĕ n’hanh dôl pah kan tâm công an ƀon lan rlău ăp rơh. Ntoh ngơi ta Rƀŭn nchră, Kruanh dak Nguyễn Xuân Phúc njuăl tât ăp cán bộ Công an kruanh ơm, ăp Nuĭh janh dăng rmôt vũ trang ƀon lan, Anh hùng lao động, ăp đồng chí tahen sôt rmanh, ăp rnăk wâl tahen lĕ khĭt, nuĭh geh soan đah cách mạng, ăp nsum mpôl, êng nuĭh geh nău kan tahen tâm trong kan rsơl mplơng, lĕ rngôch cán bộ, tahen rmôt Công an ƀon lan nău ôp khâl đêp rmên, ăp nău rŏng têh n’hanh nkah gĭt jru hvi. Kruanh dak nkoch kloh, Đảng, Ngih dak n’hanh nuĭh ƀon lan he mro mrăng nkah gĭt ăp nuĭh jăng dăng, tahen lĕ khĭt, sôt rmanh, nuĭh geh soan đah neh dak, ăp tahen lĕ nsơr săk yor nău kan rklaih đăp mpăn rnoi mpôl, ndâk njêng n’hanh mât njrăng neh dak, mât nău rêh đăp mpăn an ƀon lan.

Nuĭh rblang: Y Sưng Phê Ja