VOV4.M’nông: Rƀŏng tât nkah 75 năm Nar tahen khĭt, tahen sôt rmanh, kêng măng 13/7, ta ntŭk kan Kruanh dak, Kruanh dak Nguyễn Xuân Phúc mâp măt ăp ntoh măt Ban liên lạc rmôt tahen ơm lam dak Mặt trận Vị Xuyên-Hà Tuyên. Ntoh nau tâm nar mâp, Kruanh dak lah rjăp, neh dak, ƀon lan mro ryơk, nkah, mro mrăng nkah nau kan bah ăp tahen janh dăng, tahen lĕ khĭt ndrel ăp tahen hŏ dŏng săk nơm gay ma tâm lơh mât neh dak, rgop nau ƀư ueh lơn tay nau vay rŏng dak, janh dăng bah ƀon lan nơm.

Kruanh dak rnê prêh nau nsôih rgop, rlet nau jêr bah Hội ndrel Ban liên lạc tahen ơm lam dak Mặt trận Vị Xuyên bah 6 năm ndâk. Đah nklăp 22 rbăn nŭih pah kan tâm 44 chi hội tâm nkuăl, tâm dâng, rmôt kan mô rlu ƀư nâp mpeh ntŭk kan ndrel nau kan nar lơn ma âk ntil, ngăn, nsôih rklaih nau kơl an, tâm pă, tâm kơl, tâm bonh tâm nau rêh./.

Nŭih rblang: H’Thi