VOV4.M’nông: Lơ 4/8, ta ntŭk kan Kruanh dak, Kruanh dak Nguyễn Xuân Phúc vơt Thống đốc n’gor Gunma, Nhật Bản, wa Yamamoto Ichita ta tât khâl ndrel pah kan ta Việt Nam. Kruanh dak Nguyễn Xuân Phúc rhơn mbơh, wa Yamamôt Ichita lah Thống đốc tâm n’gor bôk năp bah Nhật Bản tât khâl Việt Nam jêh rnôk bah srê Covid-19, ndâk tay nau tâm n’ur ăp n’gor bah bar dak ndrel rƀŏng tât nkah 50 năm nar tâm boh nchră nau Việt Nam-Nhật Bản tâm năm 2023.

Kruanh dak lah rjăp, rnôk aơ Nhật Bản lŏ lah dak kan nsum văng sa bôk năp bah Việt Nam, lah dak pă prăk kơl an ODA âk ngăn, dak ntuh kơl têh ngăn khay tal 3 ndrel lah dak ƀư nau kan tăch rgâl tal 4 bah Việt Nam. Kruanh dak rnê prêh nau nsôih bah Thống đốc Yamamoto Ichita tâm rnôk ntrŭt dăng nau tâm boh đah Việt Nam rơh rlau aơ, ngăn lah nau tâm rgop ƀư Tết Việt Nam ndrel kơl an nsum mpôl nŭih Việt Nam tâm n’gor rlet rlau nau jêr yor srê Covid-19./.

Nŭih rblang: H’Thi