VOV4.M'nông: Kêng măng, 10/8, ta Nhih pah kan kruanh dak, Kruanh dak Nguyễn Xuân Phúc hŏ wơt Đại sứ Kuwait, wa Yousef Ashour Al-sabbagh n'hanh Đại sứ Israel, wa Yaron Mayer hao ndơ̆ si ƀŭt neh  dak. Wơt Đại sứ Kuwait, wa Yu-sup A-xua An Xa-bat, Kruanh dak Nguyễn Xuân Phúc nsing nơm Đại sứ mbra geh năm pah kan geh nău dơi, rgop ntrŭt ntrôl lơn đŏng tâm boh đah bar dak.

 Việt Nam way ŭanh khlay tâm boh đah Kuwait, ngoăy tâm ăp dak tâm boh wăng sa dâk bôk năp bah Việt Nam ta nkual Trung Đông. Wơt Đại sứ Israel Yaron Mayer, Kruanh dak dăn đă Đại sứ rgop ntrŭt ntrôl tay tâm boh bar dak, tâm  nê ơm nthoi tay tâm khâl n'hanh ăp nău way tâm boh bar dak, lơn lah rơh hop tâl 3 Ủy ban bar Chính phủ Việt Nam- Israel. Bar dak ân n'hao dăng kan nsum n'hanh tâm kơl nsum ta ăp rơh rgum nchră dak bah dih, ƀư âk nău kan ngăn ngăn nkah ndray 30 năm njêng tâm boh (1993 - 2023) gay n'hao têh kuâng tâm boh bar dak./.

Nuĭh rblang: Điểu Thân