VOV4.M’nông- Ôi nar 14/7, ta Hà Nội, kruanh dak Nguyễn Xuân Phúc, kruanh rnâng kan ntĭm leo rdâk njêng nău kan “Ntrong kan rdâk njêng n’hanh ƀư lôch ngih dak pháp quyền xã hội chủ nghĩa Việt Nam tât năm 2030, mpŏng tât năm 2045”, leo kan rơh rƀŭn nchră rnâng kan ntĭm leo pah kan đah Đảng đoàn Mặt trận Tổ quốc Việt Nam mpeh nkô̆ nău nchrăp kan. Nkah tay nău ntĭm nti bâh Wa Hồ “tâm rnglăp, tâm rnglăp, tâm rnglăp têh, nău dơi, nău dơi, nău dơi têh”, kruanh dak Nguyễn Xuân Phúc lah na nê̆, Mặt trận tổ quốc Việt Nam lah nău kan dŭt khlăy tâm trong n’hao nău ƀon lan ƀư tơm xã hội chủ nghĩa Việt Nam.

Ta rơh pah kan, du đê̆ nău kan tơm khlăy, nău mhe ta trong rdâk njêng n’hanh ƀư lôch ngih dak pháp quyền XHCN Việt Nam geh tât nău kan, ntŭk kan, nău dơi, trong kan bâh Mặt trận Tổ quốc Việt Nam lĕ geh tâm mbơh, ƀư kloh. Âk nkô̆ nău geh tât leo kan n’hanh pah kan bâh Mặt trận Tổ quốc Việt Nam geh rmôt kan biên tập rgum tay n’hanh ndơ̆ lăo nău nchrăp kan.

Nuĭh rblang: Thị Đoắt