VOV4.M'nông: Ôi 11/8, ta Hà Nội, Kruanh dak Nguyễn Xuân Phúc, Kruanh Ƀan rđău đă rdâk njêng Đề án “Rdâk njêng têh jong n'hanh lôch jêh Ngih dak pháp quyền xã hội chủ nghĩa Việt Nam tât năm 2030, rƀŏng tât năm 2045" ƀư tơm rơh pah kan bah Rnâng kan Ƀan rđău đă đah Hội đồng Lý luận Trung ương. Aơ lah rơh pah kan n'glĕ dŭt bah Rnâng kan Ƀan rđău đă gay djăt ăp nău rgop trong nchrăp Đề án lor rnôk hao mbơh dăn Bộ Chính trị.

Kruanh dak Nguyễn Xuân Phúc nkoch kloh kalơ nău rgop bah ăp nhih pah kan, mpôl kan  n'hanh ăp nuĭh kan tâm Ƀan rđău đă, tâm nê geh âk nău rgop bah Hội đồng Lý luận Trung ương, rlău âk tơ̆ rgâl, tât aƀaơ, trong nchrăp Đề án hŏ geh ăp nău rgâl dŭt khlay tĭng trong rƀŏng n'hao têh nkrum  lam bah Nghị quyết âk lơn, rƀŏng têh jong kloh lơn. Kruanh dak lah rjăp, rdâk njêng n'hanh ƀư lôch jêh Ngih dak pháp quyền xã hội chủ nghĩa Việt Nam lah nău kan lịch sử, lah nău dơn kan têh yơn dŭt jâk r'ah ma lam Đảng, lam tahen he ân ndrel nsrôih tĭng ƀư geh nău dơi tâm âk năm tât./.

Nuĭh rblang: Điểu Thân