Kêng măng 26/7 tĭng mông Việt Nam, Kruanh dak Võ Văn Thưởng hŏ geh rơh mâp êng đah Tổng thống Sergio Mattarella n’hanh lôch nê, bar kruanh  rđău kan hŏ ndrel ƀư tơm rgum nchră đah mpôl ntơh măt gưl têh bar dak.  Kruanh dak Võ Văn Thưởng lah rjăp Việt Nam uănh khlay Italia tâm gung trong tâm boh dak bah dih bah he.

Bar kruanh rđău kan hŏ tâm ôp n’hanh dơn ngoăy ăp trong rƀŏng n’hanh trong nkra têh gay n’hao dăng tâm boh têh dơi jŏ jong Việt Nam- Italia. Mpeh chính trị tâm boh dak bah dih, bar ding tâm ban ŭch tâm khâl âk mpôl kan ăp gưl, lơn  lah gưl têh ta ăp trong tâm boh Ngih dak, Chính phủ n’hanh Quốc hội; an ƀư tay geh nău tam ăp trong tâm boh bar ding. Mpeh wăng sa, Tổng thống Italia tâm ban ŭch đah nău đă bah Việt Nam mpeh nău bar ding an ƀư tay geh nău tam Hiệp định dah rŏng tăch rgâl Việt Nam – EU (EVFTA); n’hao dăng tâm nđŭr ƀon lan ma trong tâm boh mpeh ntĭm nti, văn hóa – nghệ thuật, pâl nđaih, tâm boh đah ăp n’gor…