VOV4.M’nông – Nkah gĭt 75 năm Nar Thương binh-Liệt sĩ, ôi 26/7, mpôl ntoh măt Ban Chấp hành Trung ương Đảng, Quốc hội, Ngih dak, Chính phủ, Ủy ban Trung ương Mặt trạn Tổ quốc Việt Nam lĕ an nkao, mpoh nhang nkah gĭt ăp nuĭh janh dăng lĕ khĭt ta Rup ndah nkah gĭt ăp nuĭh janh dăng lĕ khĭt (trong Bắc Sơn, Hà Nội) n’hanh an nkao, lăp Lăng chop Kruanh Hồ Chí Minh.

Kruanh đảng Ngih dak chop Kruanh Hồ Chí Minh

Tâm rnôk rngot rngăt, ăp nuĭh ntoh măt lĕ kuh măt nkah gĭt ăp nuĭh kon gĭt blău bah rnoi mpôl lĕ nsơr lĕ nting mham, jang dăng, tâm lơh tâm su yor nău kan rklaih đăp mpăn rnoi mpôl, kơp dơn ngoăy neh dak, đăp mpăn bri dak, yor chủ nghĩa xã hội n’hanh nău kan lam ntŭr neh têh kuăng. Nkao bah rmôt kan nchih “Mro mrăng nkah gĭt ăp nuĭh janh dăng lĕ khĭt”.

Rup ndah Nkah gĭt tahen janh dăng lĕ khĭt nar aơ dơi rgum nkao nkah gĭt bah ăp mpôl lăp chop.

Ndrel nar, ăp mpôl ntoh măt Quân ủy Trung ương, N’gâng kan mât njrăng bri dak; Đảng ủy Công an Trung ương, N’gâng kan Công an; N’gâng kan Lao động-Thương binh n’hanh xã hội; nkual ƀon têh Hà Nội... Ăp nău kan nsum mpôl, ăp rmôt kan tâm dak n’hanh bah dih dak lĕ an nkao, nkah gĭt ăp nuĭh lĕ khĭt ta Rup ndah nkah gĭt ăp nuĭh tahen lĕ khĭt n’hanh lăp Lăng chop Kruanh Hồ Chí Minh.

Nuĭh rblang: Y Sưng Phê Ja