VOV4.M’nông- Kêng măng nar 7/7, ta Hà Nội, Đại tướng Tô Lâm, kruanh n’gâng kan Công an geh vơt trung tướng Vanthong Kongmany, Ủy viên Trung ương Đảng, groi kruanh n’gâng kan công an Lào di rơh tât khâl n’hanh pah kan ta Việt Nam. Ta rơh vơt, kruanh n’gâng kan Tô Lâm an gĭt, bol ma bar dak hôm nha geh âk nău jêr jŏt ta năp nău ntưp rêng bâh nuh srê Covid-19, yơn nău tâm boh tâm rnglăp têh khlăy, tâm kơl lĕ rngôch đah bar ngih dak Việt Nam-Lào lah nsum, đah n’gâng kan công an Việt Nam-n’gâng kan Công an Lào lah êng hôm nha mô rlu hun hao, hăn lăp jru tâm nău rêh, geh săk rnglăy na nê̆. Bar ding lĕ geh mbơh ƀư tay nău way kan tâm rgop tâm kơl pah kan tâm nău mât đăp mpăn rnă njrăng ngih dak, đăp mpăn naư rêh jêng, tâm rgop na nê̆ mbơh ƀư ăp nău nchrăp kan mât đăp mpăn rnă njrăng an ăp nău kan khlăy, ăp rơh tât khâl, pah kan bâh nuĭh leo kan gâl têh 2 dak.

          Nuĭh rblang: Thị Đoắt