VOV4.M’nông- Kruanh n’gâng kan nchră nău đah dak bah dih Bùi Thanh Sơn lĕ tâm nchră đah kruanh n’gâng kan mhe nchră nău đah dak bah dih Hàn Quốc Park Jin. Ta rơh tâm nchră, bar hê kruanh n’gâng kan tâm ban ŭch tâm rgop mbơh tơih geh săk rnglăy nău kan tâm mbơh n’hanh tâm mâp gâl têh n’hanh ăp gâl đah âk trong kan tâm di, uănh khlăy  ntrôl tâm kơl ngăn ngên bâh trong kan mât rnă njrăng ngih dak, rnă njrăng n’hanh tâm kơl bar ding n’hanh âk ding.

Ntrŭt đă ăp doanh nghiệp Hàn Quốc n’hao nău ntuh kơl ta ăp trong kan công nghiệp tơm ndrel đah nău rgâl mhe công nghệ an Việt Nam. Mpeh đah nău ta lam ntur neh n’hanh ta nkual, bar ding tâm ban ŭch geh tâm kơl na nê̆, tâm kơl ndrel ta nău doh rklaih ăp nău lam ntur neh n’hanh ta nkual ma bar ding ndrel mât uănh kơt lah Liên Hợp quốc, ASEAN-Hàn Quốc, Mê Công- Hàn Quốc, mât nău đăp mpăn, ueh lăng, rnă njrăng, đăp mpăn, tâm kơl n’hanh hun hao ta nkual dak lêng Biển Đông.

Nuĭh rblang: Thị Đoắt