VOV4.M’nông – Nkhêp di rơh khâl na nê̆ Indonesia n’hanh ndrel ƀư tơm rơh rƀŭn tal 4 Ủy ban kan ndrel ăp ding Việt Nam-Indonesia (JCBC-4), ôi nar 20/7/2022, Kruanh N’gâng kan tâm rnglăp nchră nău Bùi Thanh Sơn lĕ geh rơh wơt ôp Tổng thống Joko Widodo ta ntŭk Tổng thống Indonesia. Kruanh N’gâng kan Bùi Thanh Sơn mĭn lah nău mĭn bah Việt Nam uănh khlay n’hanh ŭch hun hao tay tâm boh kan ndrel têh hvi đah Indonesia; nkoch nău nsing nơm Indonesia mbra dơn ƀư lôch uĕh Kruanh G20, ƀư tĭng lôch uĕh “Trong uănh Indonesia 2045”, jêng dak hun hao tâm rnôk nkah gĭt 100 năm ndâk njêng tâm năm 2045. Kruanh N’gâng kan Bùi Thanh Sơn nkoch nău ŭch Tổng thống Indonesia kơl 2 ding ntrôl dăng tâm rgâl rmôt kan, mâp gưl prêh n’hanh ăp gưl; n’hŭch mpêr n’gar n’hanh ntrŭt hao jêng tăch rgâl tĭng trong tâm ban lơn.

Nuĭh rblang: Y Sưng Phê Ja