VOV4.M’nông- kêng măng nar 24/7, ta Hà Nội, kruanh Quốc hội Vương Đình Huệ lĕ tât râng rơh rƀŭn nchră mbơh nău ntrŭnh bâh n’gâng kan chính trị n’hanh Nghị quyết bâh Ủy ban rnâng kan Quốc hội mpeh nău kan cán bộ. Ta rơh rƀŭn nchră, groi kruanh rnâng kan leo kan Trung ương, kruanh rnâng kan đại biểu Nguyễn Thị Thanh geh mbơh nău ntrŭnh bâh n’gâng kan chính trị mpeh nău đă wa Ngô Văn Tuấn rlu kan Ban chấp hành, rnâng kan thường vụ, rlu nău kan Bí thư n’gor Ủy Hòa Bình, kruanh mpôl đại biểu QH n’gor Hòa Bình lĕ geh đă mât nău kan Bí thư rnâng kan Cán sự Đảng Kiểm toán ngih dak, Nghị quyết bâh Ủy ban rnâng kan Quốc hội săch pă wa Ngô Văn Tuấn mât nău kan groi Tổng kiểm toán ngih dak, pă nău kan kiểm toán ngih dak. Ntoh ngơi ta rơh rƀŭn nchră, kruanh Quốc hội Vương Đình Huệ đă wa Ngô Văn Tuấn ngăch gĭt nău mhe bâh n’gâng kan, ndrel đah ntŭk kan Ban cán sự Đảng, Đảng ủy, nuĭh leo kan Kiểm toán ngih dak leo ƀư răng dăng ăp nău dơi kan, nău kan geh pă an.

Nuĭh rblang: Thị Đoắt