VOV4.M’nông – Kêng măng 20/7, ta Ngih Quốc hội, Kruanh Quốc hội Vương Đình Huệ wơt Bí thư Trung ương Đảng, Groi Bí thư Ban Chấp hành Đảng bộ Quốc hội Lào, Groi Kruanh Quốc hội Sounthone Xayachak, Kruanh Rmôt Nghị sĩ Hữu nghị Việt Nam-Lào n’hanh Mpôl ntoh măt Quốc hội Lào hăn khâl pah kan ta Việt Nam. Kruanh Quốc hội Vương Đình Huệ uănh lah prêh rơh khâl bah Groi Kruanh Quốc hội Lào ƀư di rơh 2 dak ƀư 60 năm Nar ndâk njêng tâm boh tâm rnglăp. Kruanh Quốc hội Vương Đình Huệ uănh lah prêh nuih n’hâm nsrôih rgâl mhe bah Lào tâm năm bah năp. ta rơh wơt, Kruanh Quốc hội Vương Đình Huệ n’hanh Groi Kruanh Quốc hội Lào tâm ban ŭch, tâm năm tât, 2 ding n’hao tâm rgâl mpôl kan, ăp ủy ban, ăp rmôt nghị sỹ hữu nghị, HĐND ăp ntŭk, ngăn lah ăp n’gor njêng oh nô, gay tâm pă nău blău ơm tâm nău kan ndâk njêng, groi nđôi n’hanh ntrŭnh ăp nău khlay bah neh dak. Kruanh Quốc hội Vương Đình Huệ mĭn lah, Quốc hội Việt Nam mbra ƀư dŭt n’hâm gay 2 Quốc hội tâm pă ndrel nău blău ơm; nkre ŭch hun hao nău tâm boh đah Quốc hội 2 dak tâm ban đah nău tâm boh khlay đah 2 dak, jêng ntrong leo mhe đah kan ndrel nghị viện.

Nuĭh rblang: Y Sưng Phê Ja