VOV4.M’nông: Lŏ hăn kan tâm ăp n’gor Nam Trung Bộ, kêng măng 26/7, Kruanh Quốc hội Vương Đình Huệ ndrel rmôt hăn kan hŏ pah kan đah Rnâng kan rđau kan n’gor uỷ Quảng Ngãi. Tĭng nau mbơh bah rđau kan n’gor, nau hun hao GRDP năm 2021 geh 6,06%; 6 khay bôk năm geh 6,34%. Nau kan công nghiệp lŏ lah nau nsôih tơm ân nau hun hao văng sa bah n’gor.

Nau kan pâl n’aih geh âk nau ueh, rgum tơm prăk mro hao âk, rlet rlau 51,1% nkô̆ nau Trung ương jao, 6 khay bôk năm geh bơi tât 17 rbăn rmen. Tâm ban đah nau nchrăp, nau kan bah n’gor tâm rơh tât, Kruanh Quốc hội Vương Đình Huệ đă, n’gor Quảng ngãi lŏ rgâl mhe, blau mhe.

Nsôih ƀư dơi ăp nau kan chính trị bah n’gor, rgum ntrŭnh nau kan têh, ndăn nau ueh bah n’gor gay hun hao, mât ăp nau ŭch hun hao jêng n’gor geh nau dơi tĭng nau ŭch bah drâu Thủ tướng Phạm Văn Đồng, gay Quảng ngãi jêng ngoai tâm ăp ntŭk kan hun hao ngăn bah miền Trung./.

Nŭih rblang: H’Thi