Ôi 28/4, ta xã Triệu Thành, nkuâl Triệu Phong (Quảng Trị), Kruanh Quốc hội Trần Thanh Mẫn hŏ râng lễ sa nkra ntŭk mât ndray, nkra têh hvi tay Nkual têl ơm nkah ndray Tổng Bí thư Lê Duẩn. Lah ta rơh lễ, Kruanh Quốc hội mpơl nău rngot nkah gĭt Tổng Bí thư Lê Duẩn – kruanh rđău kan lĕ nău gĭt blău, nuĭh nđơn tay prăl ngăch n’gâng kan cách mạng bah Kruanh Hồ Chí Minh.

Nkre lah rjăp, wa Lê Duẩn mô dơn lah kruanh rđău kan chính trị – tahen hăr blău ma hôm lah nuĭh kan lý luận têh đah nău mĭn blău mhe, rgop tor luh nău mĭn cách mạng Việt Nam. Tâm mông nar huêng khlay, n’hao êng săk lam dak mpeh nkah gĭt 50 năm Nar Rklaih luh miền Nam, dơn ngoăy neh dak, Kruanh Quốc hội Trần Thanh Mẫn n’hanh Mpôl pah kan hŏ mpoh nhang n’hơr an nkah gĭt ăp tahen ơm hŏ khĭt ta Thành cổ Quảng Trị. Lôch nê, mpôl hŏ tât râng rnăk dơi kơl ta xã Hải Thượng, nkuâl Hải Lăng.