VOV4.M’nông: Di nkah 75 năm nar tahen ơm, tahen sôt rmanh, tâm rơh hăn kan tâm ăp n’gor Miền Trung, ôi lơ 26/7, Kruanh Quốc hội Vương Đình Huệ hŏ tât leo nkao, mpoh kthup tât môch tâp khĭt tahen tâm nkuăl ƀon têh Quảng Ngãi, mpok khtup leo nkao tâm ntŭk nkah drâu Thủ tướng Phạm Văn Đồng, khâl, pă nklâm ndơ ân Mẹ Việt Nam janh dăng, rnăk nŭih geh n’hâm ma cách mạng. Tâm ăp ntŭk môch tât khĭt, nkuăl ƀon têh Quảng Ngãi, Kruanh Quốc hội Vương Đình Huệ ndrel rmôt hăn kan hŏ tât mbah săk bah năp ntŭk rup ndak tahen khĭt, bah năp huêng bah ăp tahen khĭt, ăp nŭih kon gĭt blau bah ƀon tơm, neh dak, nkah ăp nŭih tahen hŏ khĭt yor nau đăp mpăn, dah rŏng bah neh dak. Bah năp nê, Kruanh Quốc hội Vương Đình Huệ ndrel rmôt hăn kan hŏ tât khâl, pă nklâm ndơ ân Mẹ Việt Nam janh dăng Lê Thị Thư, rnăk tahen sôt rmanh ¼ Phan Quang Nam, tâm Phường Trần Phú, nkuăl ƀon têh Quảng Ngãi./.

Nŭih rblang: H’Thi