VOV4.M'nông: Ôi aơ, Hội đồng nhân dân n'gor Phú Thọ hŏ ntơm pơk rơh hop tâl puăn, Hội đồng nhân dân n'gor khóa 19, năm kan 2021 - 2026. Tât râng n'hanh lah rđău đă ta rnôk ntơm pơk, Kruanh Quốc hội Vương Đình Huệ nchih nkah, rnê âk ăp nău dơi ma n'gor Phú Thọ hŏ dơi geh tâm bah ri aơ nơh n'hanh an lah, tâm nău dơi nsum bah n'gor geh nău rgop khlay bah Hội đồng nhân dân, ăp nuĭh đại biểu Hội đồng nhân dân ăp gưl n'gor Phú Thọ.

Kruanh Quốc hội dăn đă Đảng bộ n'gâng kan n'gor Phú Thọ ân ƀư tay geh nău tam ma Nghị quyết Đại hội Đảng lam dak tâl 13, Nghị quyết Đại hội Đảng bộ tâl 19 ăp bôk nău kan hŏ dơi ŭanh an dŏng gay an tĭng ƀư ăp nghị quyết bah Trung ương, Quốc hội, Chính phủ. Ăp trong kơl dơi an dŏng ân uănh khlay, rmôt trong nkra rlău ma nsĭt nău dơi, tâm rđĭl, nău êng bah du n'gor Trung du yôk yang hôm ân rƀŏng tât tâm rgop nkual. Uănh khlay hun hao wăng sa ăp kôp, hun hao văn hoá n'hanh rêh jêng kon nuĭh tĭng trong mât njrăng ntŭk gŭ rêh./.

Nuĭh rblang: Điểu Thân