VOV4.M’nông-Kêng măng nar 19/7, ta ntŭk kan Quốc hội, kruanh Quốc hội Vương Đình Huệ geh vơt Tổng giám đốc leo kan Ngân hàng lam ntur neh WB Axel van Trotsenburg (Ắc - xen Van Trót-sen-bớc), di rơh tât pah kan ta Việt Nam bâh nar 17-19/7.

Kruanh Quốc hội Vương Đình Huệ lah na nê̆, WB way lah du dak kan ndrel dŭt khlăy n’hanh tâm knơm lĕ kơl âk gay ma Việt Nam geh ƀư tĭng ăp nkô̆ mpŏng hun hao nâp nâl. Ta COP 26, Việt Nam lĕ ndơ̆ nău tâm ton âk tât năm 2050 ndơ̆ rnoh nsuk ƀơ̆ ntŭk gŭ rêh dah mbrô 0.

Aơ lah nău tâm ton tâm ban đah ăp dak châu âu, mpơl nău nsrôih dŭt âk n’hanh dơn kan bâh Việt Nam đah âk dak lam ntur neh. Tổng giám đốc WB an gĭt, WB lĕ hao tay 50% rnoh prăk tâm ton kan đah ăp ngih dak lôch rơh Covid-19 hao tât 200 rmen đôlar. Nău kơl kan aơ gay ma ăp dak dơi tâm rdâng ngăch ê lor geh nău uh ah, nkre lah geh nău mpŏng kan jŏ jong, mpŏng tât nău ŭch hun hao jŏ jong n’hanh nâp nâl.

Nuĭh rblang: Thị Đoắt