VOV4.M'nông: Ta Jay Quốc hội, Kruanh Quốc hội Vương Đình Huệ mhe geh rơh wơt Đại sứ đặc mệnh toàn quyền Cộng hòa Cuba ta Việt Nam Orlando Nicolas Hernandez Guillen n'hanh Đại sứ đặc mệnh toàn quyền Liên bang Nga ta Việt Nam Gennady Bezdetko, tât khâl dơm, dơn nău kan.

Wơt  Đại sứ Cuba Orlando Nicolas Hernandez Guillen, Kruanh Quốc hội Vương Đình Huệ n'hanh Wa Đại sứ lah rjăp da dê, Việt Nam n'hanh Cuba hôm way dăch dêh nsum, tâm kơl nsum tâm ăp rơh dŭt jêr jŏt, ndrel tâm pă nău rhơn mpeh ăp nău dơi hŏ geh tâm pah kan rdâk njêng n'hanh mât njrăng neh dak. Wơt Đại sứ Nga Gennady Bezdetko, Kruanh Quốc hội Vương Đình Huệ lah rjăp Việt Nam way uănh khlay tâm boh tâm rnglăp way ơm n'hanh tâm boh lam lĕ rngôch đah Liên bang Nga, ŭch rŏng n'hao dăng lơn đŏng tâm boh đah Liên bang Nga ta lĕ rngôch ăp trong kan, yor ma đăp mpăn, tâm boh n'hanh hun hao tâm nkual n'hanh lam ntŭr neh./.

Nuĭh rblang: Điểu Thân