VOV4.M’nông – Ôi 19/7, Kruanh Quốc hội Vương Đình Huệ wơt rnâng kan Ban Bí thư, Groi Kruanh dak Cộng hòa Dân chủ Nhân dân Lào Bounthong Chitmany n’hanh Mpôl ntoh măt gưl prêh Đảng, Ngih dak Lào dôl geh rơh khâl n’hanh pah kan ta Việt Nam. Kruanh Quốc hội Vương Đình Huệ lah rjăp, ndrel đah nău 2 dak ƀư tĭng rjăp tâm ton gưl prêh đah 2 Đảng, 2 ngih dak, 2 Quốc hội lĕ tâm ton kan ndrel dŭt na nê̆.

Kruanh Quốc hội Vương Đình Huệ wơt Groi kruanh dak Lào

Tâm rơh khâl na nê̆ Lào rnôk khay 5/2022, 2 kruanh Quốc hội 2 dak lĕ ký ton kan ndrel gay n’hao kan ndrel n’hanh săk rnglăy kan ndrel đah 2 Quốc hội, rgop nsum tâm nău hun hao tâm boh đah 2 Đảng, 2 Ngih dak n’hanh nuĭh ƀon lan 2 dak. Ƀư tĭng tâm ton mhe dơi ký, Groi Kruanh Quốc hội Lào Sommad Pholsena lĕ leo mpôl ntoh măt gưl prêh Quốc hội Lào hăn khâl pah kan ta Việt Nam gay tâm rgâl mĭn njêng nău blău ơm groi nđôi, ntrŭnh ăp nău khlay ngih dak, ngăn lah tân nău kan ntuh kơl nsum n’hanh mât uănh têh.

Nuĭh rblang: Y Sưng Phê Ja