VOV4.M’nông – Nar 22/7, ta Ngih Trung ương Đảng, đồng chí Tổng Bí thư Nguyễn Phú Trọng ƀư tơm rƀŭn Bộ Chính trị, Ban Bí thư gay uănh mĭn tay, an ƀư kỷ luật: Ban Thường vụ N’gor ủy Phú Yên năm kan 2015-2020; Đảng đoàn HĐND n’gor Phú Yên năm kan 2016-2021; Ban cán sự đảng Ủy ban nhân dân n’gor Phú Yên năm kan 2016-2021, 2021-2026; đồng chí Huỳnh Tấn Việt, Ủy viên Trung ương Đảng, Bí thư Đảng ủy khối ăp ngih pah kan Trung ương, tă ƀư Bí thư n’gor ủy, tă ƀư Bí thư Đảng đoàn, tă ƀư Kruanh HĐND n’gor Phú Yên; đồng chí Nguyễn Chí Hiến, tă ƀư Ủy viên Ban Thường vụ N’gor ủy, tă ƀư Groi Bí thư Ban cán sự đảng, tă ƀư Groi Kruanh rnâng kan UBND n’gor Phú Yên. Ăp nău tih bah gưl ủy, n’gâng kan ƀon lan, ăp nuĭh mhe nkoch ƀư khuch dŭt têh ƀư lư mô uĕh, ji nuih tâm kon nuĭh. Tĭng nkô̆ nău, rnoh nău khuch, nkô̆ nău tih n’hanh nău ntrŭnh bah Đảng mpeh kỷ luật rmôt đảng, đảng viên tih, Bộ chính trị ntrŭnh an ƀư kỷ luật khiển trách gưl ủy, n’gâng kan ƀon lan, ăp nuĭh mhe nkoch n’hanh n’glưh Đảng đồng chí Nguyễn Chí Hiến.

Nuĭh rblang: Y Sưng Phê Ja